"ሁሉን የፈጠረ አንድ አምላክ በሚሆን በእግዚአብሔር አብ እናምናለን። ሰማይና ምድርን የፈጠረ፣ የሚታየውንና የማይታየውን፣ ዓለም ሳይፈጠር ከእርሱ ጋር በነበረ አንድ የአብ ልጅ በሚሆን በአንድ ጌታ በኢየሱስ ክርስቶስ እናምናለን። ከብርሃን የተገኘ ብርሃን፣ ከእውነተኛ አምላክ የተገኘ አምላክ፣ የተወለደ እንጂ ያልተፈጠረ፣ በባሕርዩ ከአብ ጋር የሚተካከል፣ ሁሉ በእርሱ የሆነ፥ በሰማይም ካለው፣ በምድርም ካለው፥ ያለእርሱ ምንም የሆነ የለም። ስለኛ ስለ ሰዎች፥ እኛን ለማዳን ከሰማይ ወረደ፤ በመንፈስ ቅዱስ ግብር፥ ከቅድስት ድንግል ማርያም ፍፁም ሰውን ሆነ፤ ደግሞም ስእለኛ ተሰቀለ። በጴንጤናዊው በጲላጦስ ዘመን እርሱ መከራን ተቀበለ፤ ሞተ፣ ተቀበረ፣ በሶስተኛውም ቀን ከሙታን ተለይቶ ተነሳ። በቅዱሳት መጽሐፍት እንደተጻፈ በክብር በምስጋና ወደ ሠማይ ዐረገ፤ በአባቱም ቀኝ ተቀመጠ፤ ዳግመኛም በሕያዋንና በሙታን ለመፍረድ በምስጋና ይመጣል። ለመንግስቱም ፍፃሜ የለውም። በመንፈስ ቅዱስ እናምናለን፤ እርሱም ጌታ፥ ሕይወትን የሚሰጥ ከአብ የሰረጸ፥ ከአብ ከወልድ ጋር በአንድነት እንሰግድለታለን፤ እናመሰግነዋለን፤ እርሱም በነቢያት አድሮ የተናገረ ነው። ከሁሉም በላይ በምትሆን ሐዋርያት በሠሯት በአንዲት ቤተ ክርስቲያን እናምናለን። ኃጢአት በሚሰረይባት በአንዲት ጥምቀትም እናምናለን። የሙታንንም መነሳት ተስፋ እናደርጋለን የሚመጣውንም ሕይወት ለዘላለሙ፥ አሜን።