សូមក្រាបថ្វាយបង្គំ ព្រះថេរានុត្ថេរៈគ្រប់ព្រះអង្គ ជាទីគោរពសក្ការៈ និងសូមគោរព ជម្រាបសួរឯកឧត្តម លោកជំទាវ អស់លោក លោកស្រី អ្នកនាង កញ្ញា ពុកម៉ែ បងប្អូន អ៊ំពូមីង និស្សិត សិស្សានុសិស្ស ជាទីគោរព រាប់អាន។ ខ្ញុំឈ្មោះ ឃន វិបុល ជាគ្រូបង្រៀនសីលធម៌ពលរដ្ឋវិជ្ជា នៅវិទ្យាល័យបឹងធំ រាជធានីភ្នំពេញ។ ខ្ញុំបាទ ពិតជាមានចិត្តសប្បាយរីករាយ ក្នុងការបញ្ចេញទាំងកម្លាំងកាយ កម្លាំងបញ្ញា និងកម្លាំងចិត្ត ដើម្បីបង្កើតវីដេអូ នៅក្នុង ឆាននែល «Khorn Vibol-ឃន វិបុល» មួយនេះ ហើយនៅក្នុងនោះខ្ញុំមានការចែករំលែកទាក់ទងនឹង ចំណេះដឹងទាក់ទង សីលធម៌ពលរដ្ឋវិជ្ជា តារាវិជ្ជា ចំណេះដឹងទូទៅ ពុទ្ធសាសនា ជាដើម។ ខ្ញុំមានគោលបំណង និងក្តីរំពឹងទុកថា រាល់វីដេអូភាគច្រើនដែលខ្ញុំបានចែកជូនទៅកាន់អ្នកទស្សនា នឹងផ្តល់នូវអត្ថប្រយោជន៍ និងដំណោះស្រាយមួយចំនួនសម្រាប់ជីវិតប្រចាំថ្ងៃ ក៏ដូចជាការកម្សាន្តផងដែរ។ ខ្ញុំទទួលស្គាល់ថា រាល់វីដេអូមួយចំនួនដែលបានបង្ហោះទៅ ប្រាកដជាមានកំហុសកើតមានដោយអចេតនាជាក់ជាពុំខាន ម្លោះហើយសូមអ្នកទស្សនាទាំងអស់ មេត្តា ខន្តី អភ័យទោសដល់ខ្ញុំបាទផង...សូមរីករាយទស្សនាជាមួយវីឌេអូទាំងនោះតាមការគួរ។ សូមអរព្រះគុណ និងអរគុណ!